28-har shai ko nazar se---ہر شے کو نظر سے تکتا ہوں


غزل
ہر شے کو نظر سے تکتا ہوں
میں دیدۂِ بینا رکھتا ہوں
کیا اندر ہے کیا باہر ہے
ہر بات کو خوب سمجھتا ہوں
جذبات پہ مجھ کو قابو ہے
میں سنبھل سنبھل کر چلتا ہوں
حکمت کے تقاضے کیا کیا ہیں
معلوم ہے یہ بھی جانتا ہوں
اکثر ایسا بھی ہوتا ہے
خوِد اپنے حال پہ ہنستا ہوں
نہیں قول و فعل میں فرق کوئی
جو کہتا ہوں وہ کرتا ہوں
سچائی کا دعوے دار بھی ہوں
سچ بولتا ہوں سچ لکھتا ہوں
ہوں ضمیر کا آئنہ دار عاکف
جو ہوں وہ سب کو دکھتا ہوں
عاکف غنی

تبصرے

ایک تبصرہ شائع کریں

اس بلاگ سے مقبول پوسٹس

نعت شریف

تصویر
عاکف غنی رحمتِ دو جہاں اے حبیبِۖ خدا مصطفٰےۖ مصطفٰےۖ ،مصطفٰےۖ مصطفٰےۖ آپۖ کا نام سنتے ہی جاری ہوا جذب و مستی میںہونٹوں پہ صلِ علیٰۖ ظلمتوں سے نکالا ہمیں آپۖنے آپ ۖ نورِ خداۖ ،آپ نورِ ہُدٰیۖ آپۖ نے دینِ حق کو مکمل کیا خاتم الانبیائۖ ،خاتم الانبیائۖ دہر میں آپۖ کی رہ پہ جو بھی چلا آپۖ اس کی کریں گے یقینا شفاء غم میں امت کی روتے رہے عمر بھر آپ خیرالورٰیۖ ،آپ خیر الورٰیۖ آپۖ آئے چمن میں بہار آ گئی آپ کے دم سے دنیا میں پھیلی ضیاء ہادیِٔ انس و جاں ، حامیِٔ بیکساں آپۖ اللہ کی ہیں ایک احسن عطا آپۖ بِن تو مکمل نہیں دین بھی لاکھ کرتا رہے کوئی ذکرِ خدا اتباع آپۖ کا میں ہمیشہ کروں ہے خدا سے یہی بس مری التجا ٭٭٭
مزید پڑھیں

نعتۖ

تصویر
… ٭ … ذکرِ رسولِ پاک ۖ سے پُر نور ہے فضا پھرتی ہے شہر شہر، یہ خوشبو لئے صبا لوٹا نہیں ہے کوئی بھی بے منزل و مراد سب کے لئے ہے ان کی شفاعت کا در کھُلا بعد از خدا بزرگ ہے بس ذات آپ کی پیغام آپکا ہے فقط رازِ لا الٰہ حب و وفا و شوق ہے طاعت رسول ۖ کی وہ سرخرو ہے جس نے محمد ۖ سے کی وفا دعوٰی ہے مجھ کو دہر میں عشقِ رسول ۖ کا ہے لوحِ دل پہ نامِ محمد ۖ لکھا ہوا ٭٭٭
مزید پڑھیں
تصویر
  بڑھ   گئیں   جب ظلمتیں   مایوسیوں   کی   چار   سو دل   سے   تب   آئی   صدا،   عاکف   غنی !  لا   تقنطو
مزید پڑھیں